ആലക്കോട്: ജീവിതത്തെ രൂപപ്പെടുത്തുന്ന യഥാർഥ അറിവ് നൽകുന്നത് സർവകലാശാലകള ല്ലെന്നും സംസ്കാരത്തെയും ജീവിതത്തെയും അർഥപൂർണമാക്കുകയും രൂപപ്പെടുത്തുകയും ചെയ്യുന്നത് നമ്മുടെ തെരുവുകളാണെന്നും എഴുത്തുകാരനും പ്രഭാഷകനുമായ പി. എൻ. ഗോപികൃഷ്ണൻ. ആലക്കോട് സർഗവേദി റീഡേഴ്സ് ഫോറം ഏർപ്പെടുത്തിയ പി. ടി. തങ്കപ്പൻ മാസ്റ്റർ സാഹിത്യ പുരസ്കാരം എഴുത്തുകാരനും പ്രഭാഷകനുമായ സുനിൽ പി. ഇളയിടത്തിന് സമ്മാനിച്ച് പ്രസംഗിക്കുകയായിരുന്നു ഗോപികൃഷ്ണൻ.
ഫോറം പ്രസിഡന്റ് എ.ആർ. പ്രസാദ് അധ്യക്ഷത വഹിച്ചു. എ.ആർ. പ്രദീപ്, പി.ടി. തങ്കപ്പൻ മാസ്റ്റർ അനുസ്മരണ പ്രഭാഷണം നടത്തി. പി. ആർ. സന്തോഷ്, കെ.എ.എസ് റാങ്ക് ജേതാവ് എസ്. കാർത്തിക, ഡോ. ആർ. ആനന്ദ്, എസ്. ദേവാംശി, ജോയൽ ജോർജ്, ദേവാനന്ദൻ സജീവ് എന്നിവരെ ഉപഹാരം നൽകി അനുമോദിച്ചു.ആലക്കോട്ടെ ആദ്യകാല സംസ്കാരിക പ്രവർത്തകനും അധ്യാപകനുമായിരുന്ന പി.ടി. തങ്കപ്പൻ മാസ്റ്റരുടെ സ്മരണക്കായി കുടുംബാംഗങ്ങൾ ഏർപ്പെടുത്തിയതാണ് 20,000 രൂപ കാഷ് അവാർഡും പ്രശസ്തിപത്രവുമടങ്ങുന്ന അവാർഡ്
Deepika
E-paper LOGIN
LOGIN
